Didto sa amo bayay, nagdigamo si nanay
Magluto bisan gamay, pasko
May mga mangarolay
way laktaw way pahuway
Bisan kon puhaw gamay, pasko
May mga dekorasyon
lantern na papel de hapon
Mga suga na decolor, pasko
May dako na christmas tree,
bitoon nagka siga perme
Arang ka bibo na gajod kay pasko
Pasko sa ato, mapobre madatu
Wayay sukod an kalipay
Kay an tinguha kalinaw kahapsay
Magmalipajon an tanan
Kadaghanan tindahan, mahamok na duwaan
Dili tanan kapalitan, pasko
Kay lagi kuyang ra man
an kwarta dinig-itan
Pagkaon an tag-andaman, pasko
An Iban na silingan
naglitson kay kwartahan man
Cake maha blanca gulaman pasko
Kadto ta sa simbahan kay
si Kristo natawo man
Magpasalamat an tanan sa Dios pasko
Pasko sa ato, mapobre madatu
Wayay sukod an kalipay
Kay an tinguha kalinaw kahapsay
Magmalipajon an tanan
May isa ka ulitawo nag inusara sa kanto
ingkabuyagan kuno, pasko
Ija uyab dili naman, may
nay lain ingkagustohan
Di na madaya nan regalo, pasko
An mga tal na sugarol waya
mamuyang kay nag-arol
Mas swertehan kay yay pildi, pasko
An mga magkumare na
busy sa christmas party
Nahikalimot pag tsismis kay pasko
Pasko sa ato, mapobre madatu
Wayay sukod an kalipay
Kay an tinguha kalinaw kahapsay
Magmalipajon an tanan
An mga masakiton na nag-antos intawon
Sila ato dumdumon, pasko
Manghinaut an tanan ila kasakit maubsan
I ampo na sila madajaw, pasko
An mga nahilajo, di makapamasko sa ato
Kay nanrabaho, naningkamot pasko
An kamingaw maantos man,
kay surigaonon malig-on man
Dali manganta ta tanan, pasko!
Pasko sa ato mapobre madatu
Wayay sukod na kalipay
Kay an tinguha kalinaw kahapsay
Nagkahiusa an tanan
Pasko sa ato mapobre madatu
Wayay sukod na kalipay
Kay an tinguha kalinaw kahapsay
Malipajon na pasko sa tanan
Kay an tinguha kalinaw, kahapsay
Malipajon na pasko sa tanan
Sa tanan…ahhhh
