Nag ilugay kami sa donation
taas ug linya murag nag prosesyon
kay ang ilang sulti wa gyuy pilion
Mapobre madatu makadawat gihapon
ania na ang mga taga brgy
nanuol sa tawo sa ilang mga balay
Gabalita nga dunay ipanghatag
Mga bugas kuno gikan sa Gobyerno
Ug nalipay gayud ang mga tawo
Kay duna nay makaon ug di na mapasmo
Busa naglumba kami ug panggawas
Bisan ang uban walay quarantine pass
Ug sa dihang kami kay nangabot
didto sa brgy hall nga pwerteng gubuta
Adunay naghilak, naa say nagyawyaw
naay nagkatawa kay wa diay sa lista
Mga purok leader sige nag bagulbol
kay sa mga tawo wa nay ikatunol
Naglinabayay na didto ug bangko
Mga konsehal maoy nanga igo
Hangtod nga niabot na si kapitan
ug gihusay gyud ang tanan
apan di mupatoo ang ubang mga tawo
Nangasuko hinuo'g maayo
Nipatunga ang DSWD
gitambagan ang tawo nga dili ni perme
Natayming lang nga dunay kakulian
Apan nipasalig makadawat gyud ang tanan
Apan ang tawo dili mupatoo
nangita sa ayuda gikan sa gobyerno
Busa nasuko na gyud si kapitan
ug gikasab an niya ang tanan
Hangtod nga niabot na si kapitan
ug gihusay gyud ang tanan
apan di mupatoo ang ubang mga tawo
Nangasuko gyud hinuo'g maayo
Si kapitan wala kaagwanta
nanawag ug pulis kay magpaback-up siya
Kay ang mga tawo dili na mapugngan
tungod sa kasuko mura nag gisilaban
Si kapitan labihan gyud gikuyawan
Kay ang mga tawo sya na ang gidus an
Busa gibyaan nya ang barangay
ug nipauli ngadto sa iyang balay
Mao kini ang resulta sa Covid19 nga gikan sa china
