مشهد بائعة الزهور
الحلقة 27
تأليف وتنزيل شادي
shady_star23
طارق يفكر كيف يتخلص من التفكير في نجاة
طارق المستفز: خلاص كدة عرفت ان كل حاجة لها نهاية ؟
وان كل اللي اتحملته كان فوق طاقتك ومع ذلك معجبش
طارق العاقل : بقولك اية مش ناقصاك انت كمان
كفاية النار اللي انا فيها ...
طارق المستفز : يا عم اهدي الحياة عمرها ما وقفت علي حد
عيش لنفسك هو اللي خلقها ماخلقش غيرها
طارق العاقل : ايوة بالنسبة لي مافيش غيرها
طارق المستفز : يا عمنا انت عندك في كل حياتك
حريم ..في الشغل ..في الشارع ..معارف مامتك
هو انت هتغلب ...ما تقدرش تنسي واحدة غير بواحدة
اسمع مني ..اتصل بمرام ...وادعيلي ....
طارق العاقل : ازاي يا بني احنا قفلنا الصفحة دي
طارق المستفز : طب اتصل بنجوي ...
طارق العاقل : نجوي اتجوزت من شهرين
طارق : اتصل بسميرة
طارق العاقل : ربنا يفك سجنها
اقولك انا هنزل اتمشي ....
.............................
طارق يتمشي بلاهدف ويجلس علي النيل
يجد فتاة تجلس ولكنه لا يشعر بها
فاتن : ازيك يا طارق
طارق : هة ؟ مين ؟ فاتن ؟
عاملة اية ؟
فاتن : الصدفة احلي من الف ميعاد
انت عامل اية ؟
طارق : تمام
فاتن : مالك حاسة انك مهموم
طارق : مفيش
فاتن : انا ازعجتك
طارق : لا
فاتن : بصراحة لمحتك وانا ماشية بالعربية نزلت
طارق : توقيت مناسب ههههه
فاتن: مناسب لاية ؟
طارق : يمكن للفضفضة
فاتن : فعلا الواحد ساعات بيدور علي حد يفضفض معاه
خير يا طارق مالك ؟
طارق : ما فيش يا نجاة
فاتن : نجاة ؟ انت مش شايفني بقي ؟هههه
طارق : هة ؟ اسف يافاتن سرحت شوية
فاتن : مين نجاة دي اللي وجعاك كدة
طارق : ماضي كنت مدرس وطلعت تلميذ
فاتن : شكله مش ماضي دة جرح ..صح ؟
دي اسمها متلازمة حب اللي ماحبكش
...طارق ما توقفش حياتك علي حد او شخص مهما كان
طارق : الموضوع لسة جديد وبجد جرحتني
فاتن : مهما كان الالم لازم تتخطي المرحلة دي
حب جديد ..عيش لنفسك ..اشتغل
الشغل بينسي اي حاجة
طارق : لسة كنت بفكر في كدة
فاتن: ما تفكرش التفكير هيخليك تتأزم من جواك
غير حياتك ..اكسر الروتين ..واوعي تفكر
طارق : انتي صح ...انتي صح
فاتن : اية رايك نروح اسكندرية ؟
اعتبرها فترة نقاهة
طارق : يالا ..تعالي نروح اسكندرية
فاتن : دلوقتي ؟ ههههههه انت مجنون ؟
خليها الصبح
طارق : هتيجي معايا ولا اروح لوحدي ؟
فاتن : يالا طول عمري بحب جنانك
اسكندرية نص الليل في الشتاء
والله فكرة ..يالا
............................
طارق بيهرب من اي مكان فيه نجاة ولا اية ؟
هيهرب فين دول حتي جيران ؟
يالا فاتن دكتورة نفسية ويمكن تفك عقدته ؟
سلام,,,,
190 recordings
