مشهد مسلسل

بائعة الزهور

الموسم الثاني

الحلقة 1

تأليف وتنزيل شادي

shady_star23

سوسن نائمة والمنبة بتليفونها يرن

الساعة السابعة صباحا

و والدها صالح ينزعج ويجري علي غرفتها

صالح : انتي يا بت ...قومي يا بت

اقفلي المنبة مشش في ركبك

سوسن : يوه يا بابا دي طريقة تصحي بيها حد ؟

صالح : بقولك قومي فزي اقفلي المنبة

سوسن : اهو ...اهو ...

صالح : براحة علي التليفون انا لسة بدفع قسط تصليحه

سوسن : طيب براحة اهو ...

معلش يا تليفون... حقك عليا يا تليفووون

ممكن يا بابا اطلب منك طلب ؟

صالح : لو طلب فيه فلوس وفري علي نفسك الاحراج

اديني بقولك ...

سوسن : طب يا بابا اطلب من مين يعني؟

دي حاجة تبع المعهد يعني لازم اجيبها

صالح : لو حاجة في حدود العشرين جنية ماشي

سوسن : لا هي ازيد شوية

صالح : كام ؟

سوسن: 150 جنية

صالح : بقولك اية ارجعي اتخمدي ما فيش معاهد النهاردة

سوسن: يا بابا حرام عليك مستقبلي كدة في خطر

صالح : دانا اللي مستقبلي في خطر

عارفة ال 150 جنية دول يعملوا اية ؟

سوسن : عارفة ..قرش علي قرش يبقوا جنية

حافظة يا بابا حافظة ....

صالح: حافظة اية يا بت

سوسن : اسطواناتك كلها ...الله يرحمك يا ماما

ارتاحت من الهم دة

صالح : انا هم يا بنت ال....

سوسن : من غير شتيمة ....انا قايمة اغسل وشي

صالح : طب ما تبريش الصابونة جامد ..اديني حذرتك

سوسن : عارفة يا بابا عارفة

حافظة كل التعليمات والله

ويا تري فيه فطار ولا هنزل كدة؟

صالح : هو فيه فطار طبعا ...باقي العشا بتاع امبارح

سوسن : يا بابا حرام هافطر ملوخية ناشفة

يا بابا انا اتغديت امبارح واتعشيت منها ..كدة كتير

صالح : يا بنتي ..يا حبيبتي ..انا بحوش لمين ؟

كله ليكي في الاخر ..ولو جة عريس هاجهزك ازاي ؟

سوسن : عريس ؟ عريس مين يا بابا دة الفار لو دخل عندنا

يهرب من الفقر اللي هنا

صالح : قومي علي حيلك يالا كفاية كدة

قليلة الادب صحيح......

...........................

يا ربي انا اتخنقت بجد من الراجل دة

ربنا يكون في عونك يا سوسن

سلام ...