مسرحية الهمجي

مشهد الحسد

حورية:يا مصيبتي

اية دة يا ادم اية العز والفخفخة دي

ادم : واية يعني

واااااية يعني

برضو الغني غني النفس

وكما قال الشاعر اللي هو انا

ليس الغني من ياكل اللحم

انما الغني من جاع وهو محتشم

فلا كل من لبس الحرير منعم

ولا كل من لبس الخااازوق مبلم

حورية : بس ...بس

اسكت خالص

قال واحنا اللي جايين لابسين اللي علي الحبل

دانا خايفة اقعد عالكنبة لوسخها

ادم انت عامل كدة لية

افرد قامتك احنامش في شقتنا

ادم: اه صحيح

........................

ادم : اهلا وسهلا يافندم

حصلنا مزيد الشرف

انا ادم عبد ربه ادم والست حرمنا المصون

حورية :يزيد فضلك يا سعادة البية

ادم: باين عليه قريب مرات قاسم

حورية : البهوات بيبانوا

ادم : لا متشكرين

احنا شاربين .. و واكلين

ومش محرومين من حاجة الحمد لله

حورية:ادم ما تكسفش البيه

ادم :اتفضلي بقي ياختي اختاري عايزة اية ؟

حورية : وانا مالي يا ادم انت الراجل

ادم : ما بيقولك فيه عنده .....

طيب عايزة الاولاني ولا التاني ولا التالت

اقولك علشان نبقي في السليم

هاتلنا شاي بلالم

yes yes yes

تيييييييي

ااااا بس شوية تي في الفيفتي

ثانك يو

ثانك يو

حاسب الحيطة

...................

ادم : قاسم باين عليه مناسب من عيلة هاي

شوفتي كاظم بيه و الاطه

بيكلم الخدام .. كدة اهو

بس احناالحمد لله كان مهذب معانا

انحنيت له انحني لي .. زيي زيه

انا مش اقل من كاظم

انا كل اللي مستغرب له

ان قاسم اللي كان شحات وجعان مش لاقي ياكل

بقي في العز و الاملة دي كلها ازاي

حورية: جري اية يا ادم انت جاي عند الناس عشان تنؤ عليهم

بلاش حسد

ادم : اية دة عيب يا ست هانم

انتي ست متعلمة حسد اية وكلام فارغ اية

حورية :الحسد مش كلام فارغ يا ادم

الحسد مووجوود

ادم : انا معاكي بس تعتقدي له تاثير

يعني لو حد حسدك يجرالك حاجة لاقدر الله

حورية : مجربتش .. هيحسدوني علي اية يا حسرة

بس افتكر كان ليا خالة اسمها ستوتة

كانوا يقولوا عليها عينيها مدورة

ادم : اهو دة الجهل بعينه

لان الحسد ما يأذيش غير صحابه

لان اللي يبص لحاجة غيره عمره ما يشعر بالسعادة يا حورية

انما اللي راضي بعيشته مهما كانت ....

حورية:عيشته اية ؟

عيييييشته اية عيشته اية

ادم : اية يا حورية

حورية : عيشته هو احنا عايشين بالمرة

ادم : اية اللي جري لك

حورية : بص حواليك ....بص

عيشته اية يا ابو عيشته

ادم: اية دة

حورية :دانت مرتبك في سنه

ما يجيبش تمن ....

تمن لوحة زي دي

ادم : عيب يا حورية

كويس كدة!

حورية : وانا مالي وانا كنت اللي وقعتها

ادم : مقصدش بس الناس يقولوا علينا اية

اه .. شوفتي كل شيئ له سبب علمي

الحبل عمره الافتراضي بتاعه انتهي

حورية : ادم ..شوفت التلفزيون دة

ادم : ملناش دعوة

حورية : دة 100 بوصه

ادم : ملناش دعوة يا حورية

حورية : اكتر من 100

دة الوان

ادم : مالناش دعوة ارجوكي

حوريه : الوانه ما حصلتش هتفرج شوية علي الالوان

ادم : لو نزلوا وشافوكي

حورية : عمري ما اتفرجت علي الالوان هشوفها فين

ادم : موقفي هيبيقي حرج

حورية : مش قادرة شوية واطفي مش هيحسوا

بص بص

عيني هتطلع عليه ......

انت لسه قايل دلوقتي كل شيئ له سبب علمي

ممكن يكون ماس كهربائي

ادم : وحياة خالتك

ماس يا ام ماس

دي عينيكي يا ست هانم

حورية : لا عيب يا ادم انت راجل متعلم ماتقولش كدة

ادم: انا اللي ماكنتش واخد باللي ان فيكي الخصلة البايخة دي

طالعة لخالتك ستوتة .. كدة اهوت

وما لقتيش غير اعز اصدقائي يا حورية

حورية : والله مااقصد والله انت ظالمني

ادم :مانتي اتهبلتي

من ساعة ما دخلتي هنا وانتي جالك احساس بالوضاعة

والدونية كما لو كنا شحاتين

حورية : اومال احنا اية

ادم : احنا زبالين .... ااااا

قصدي ان كان علي الفلوس انا ياما سلفت قاسم

قاسم دة لحم كتافه من خيري

انتي معاكي راجل مش اي كلام

اعتزي بنفسك اعتزي

امتلئئ فخرا وفخامة وكبرياء وكرامة وعزتا

واباء ....اتقالطي ع الاخر

ع الاخر

ع الاخر

حورية : دة اخر ماعندي