بائعة الزهور
تأليف وتقديم و تنزيل
shady_star23
نجاة : اه اليوم متعب و حر النهاردة
مش عارفة اية اللي بيخليني انزل كل يوم والشغل نايم
اففففففف يالا اهو يعدي اليوم وبكرة اخد اجازة ...
طارق : مساء الخير
نجاة : مساء النور اتفضل اؤمر حضرتك
طارق : شكلك نسيتيني ؟؟؟
نجاة : لا طبعا فاكرة حضرتك
انت اللي بتطلب يوميا بوكية وتحط عليه كلمات جميلة
طارق : يا خسارة ...
نجاة : خير حصل حاجة ؟؟
طارق : لا مافيش يا نجاة
نجاة "باستغراب" : عرفت اسمي ؟؟؟
طارق : بصراحة انا اللي مستغرب انك لسة معرفتيش اسمي ؟؟
نجاة : حضرتك عايز اية بالظبط ؟؟!
طارق : لا ولاحاجة ...
اااا سس سلام اشوفك علي خير
نجاة : سلام
دة ماله دة تعبان في دماغه ولا اية ؟؟؟
يالا و انا هشغل روحي لية ؟؟؟
.......................................
بعد اسبوع ......
نجاة ترتب المحل و تتفاجأ بوجود كمية بوكيهات ورد
و عليها كروت بها كلمات رقيقة بامضاء طارق
و كان الفضول يقتلها لقراءة الكروت من علي البوكيهات
نجاة تبدأ في قرائتها
نجاة : اما نقرا نشوف البوكيهات دي لمين ؟
يبدأ صوت طارق في قراءة الرسائل القصيرة
طارق : كانت الصدفة نصيبي وقت رأيتك
اكتشفت بأن جارتي ملاك من الفردوس
و كيف لا اذوب و اه اتمني لو أسرتك
و اسمعك كلام في القلب محبوس
امضاء طارق
نجاة : و الله كلمات حلوة وليها طعم كدة يشد.....
اما نشوف البوكية التاني
طارق : اليوم مررتي بي ولم تشعري بوجودي
اه لو تعلمين ما اكنه لكي في قلبي
اخاف يوما ان اتخطي معكي حدودي
واقول لكي كل ما اشعر به في حبي
اخاف صدك و لو تأكدت من ردك
لبوحت بما في فؤادي لكي يا قلبي ....امضاء طارق
نجاة : اه علي الكلام وحلاوته ..مين دي اللي تسمعه وماتردش ؟؟
بلا خيبة ...نشوف الكارت اللي بعده ؟؟
طارق : اليوم كانت لي الفرصة ان اراكي
و دفعت لكي بالمواصلات كي تعرفي من يهواكي
يكفيني ما لاقيته من ابتسامتك وقت رؤياكي
اشكر وزارة النقل علي انها تهتم بملاكي ..امضاء طارق
نجاة : هههههههههههههه حلوة دي هههههههههه
بيشكر الوزارة بتاعة النقل هههههه طب يبعت لوزارة التموين هههههه
الي اللقاء في الجزء الثاني و شكرا
190 recordings
