गीतकार : सूर्यकांत खांडेकर,
गायक : पं. हृदयनाथ मंगेशकर,
संगीतकार : पं. हृदयनाथ मंगेशकर
त्या फुलांच्या गंधकोषी,
सांग तू आहेस का ?
त्या प्रकाशी तारकांच्या
ओतिसी तू तेज का ?
त्या नभांच्या नीलरंगी
होऊनिया गीत का
गात वायूच्या स्वरांनी,
सांग तू आहेस का ?
त्या फुलांच्या गंधकोषी
मानवाच्या अंतरीचा
प्राण तू आहेस का ?
आऽऽऽ वादळाच्या सागराचे
घोर तें तू रूप का ?
जीवनीं या वर्षणारा,
तू कृपेचा मेघ का ?
आसमंती नाचणारी
तू विजेची रेघ का ?
त्या फुलांच्या गंधकोषी
जीवनी संजीवनी तू
माऊलीचें दूध का ?
आऽऽऽ जीवनी संजीवनी तू
माऊलीचें दूध का ?
कष्टणाऱ्या बांधवांच्या
रंगसी नेत्रात का ?
मूर्त तू मानव्य का रे?
बालकांचे हास्य का?
या इथें अन् त्या तिथें रे,
सांग तू आहेस का ?
त्या फुलांच्या गंधकोषी,
सांग तू आहेस का ?
त्या फुलांच्या गंधकोषी…
6K개의 커버
