بنعيش والوقت بيسرقنا
وبنمشي ونسرح في طريقنا
والايام اللي بتجمعنا
ممكن في ثواني تفرقنا
ساعات الدنيا بتلهينا عن أغلى و اقرب ناس لينا
وفي يوم عمرنا ما بنتمناه .. نلاقيهم مابقوش حوالينا
ما بنحسش بقيمة الحاجة .. الا لما تروح
وكان في صوت بيصرخ فينا .. واحنا مابنسمعش
ونندم على اللي ضاعوا وراحوا .. وقلبنا مجروح
ياريت الوقت يرجع بينا بس ما بيرجعش
زمان كانوا هنا بينا وحوالينا واللقى مسموح
ودلوقتي ومهما بكينا اللقى مينفعش
قرب من كل اللي حاببهم
شيل عنهم خوفهم وتعبهم
يمكن يسيبوك هما الأول
أو يمكن انت اللي تسيبهم
على قد ما تقدر فرحهم
بصلهم واحفظ ملامحهم
هيجيلك يوم تتمنى
لو حتى في نومك تلمحهم
