सानैदेखि देखेको मैले कालेबुङ शहर

हेर्दाहेर्दै बितिगए जोबन लहर

हेर्दामा शीतल, चाँदी न पित्तल, मन उड्यो फरर

डाँडा र काँडा, हावा र पानी, यही नै हो घर र?

मनमा मेरो थियो, हजुर, हजारौँ रहर

रमिता हेरी बसिरह्यो कालेबुङ शहर

उड्ने जति चरी भन्छन्, "म भुईँमा हिँड्ने हो"

तिमीलाई, सानी, पर्खिरहन्छु दुःख गरेर म

तिमीले साइनो बुझेनौ, सानी, मन रोयो धरर

तिमीले साइनो बुझेनौ, सानी, मन रोयो धरर

मनमा मेरो थियो, हजुर, हजारौँ रहर

रमिता हेरी बसिरह्यो कालेबुङ शहर

मैले त तिम्लाई माया गरेँ, छैन तिम्लाई कर

जोसित तिम्ले जीवन बिताउँछौ, उसमै रहोस् भर

म जहाँ गए पनि, राजै, एउटै हो संसार

म जहाँ गए पनि, राजै, एउटै हो संसार

मनमा मेरो थियो, हजुर, हजारौँ रहर

रमिता हेरी बसिरह्यो कालेबुङ शहर

मनमा मेरो थियो, हजुर, हजारौँ रहर

रमिता हेरी बसिरह्यो कालेबुङ शहर