Hərdən məndən soruşurlar ki, dünyanı xilas etmək üçün sənə neçə nəfər lazımdır?

Mən onda cavab verirəm: Bir..

Gör necə gözəldi dünya,

Amma siz onu etmisiz eybəcər..

Göy üzü, ulduzlar, günəş batsada yerinə ay çıxar gecələr,

Əl-ələ verin, dostlar, axı güc var hələ hər kəsi dəyişməyə..

Hərəyə bir sevgi, bir ürək, bir dünya bəs edər..

Bəzən bir gülüş bəsdi ki, ağbirçək anan sevincdən ağlasın,

Bəzən bir öpüş bəsdi ki, sürücü sevgiyə görə qatarı saxlasın,

Bir cibdəki quru qəpik, bir dilənçinin xoşbəxtliyi ola bilər,

Bir salam və iki xoş söz, qaşqabaqlı qonşun dost ola bilər

Bir baxışla ömürlük sevərsən,

Bir məktuba sevgini qazanarsan,

Bir yalanla hər şeyi itirərsən,

Bir çiçəklə yenə geri qayıdarsan,

Bir küləklə yaşayar min gəmi,

Bir günəşlə yetişər min meyvə,

Min qeybət birləşsə, belə, qalib gələ bilməz bir sevgiyə..

Gör necə gözəldi dünya,

Amma siz onu etmisiz eybəcər..

Göy üzü, ulduzlar, günəş batsada yerinə ay çıxar gecələr,

Əl-ələ verin, dostlar, axı güc var hələ hər kəsi dəyişməyə..

Hərəyə bir sevgi, bir ürək, bir dünya bəs edər..

Bir dərmana möhtac xəstə, amma bu gün onu almağa yox pulu,

Bir kitabla alimə çevirmək olar, adi bir fəhlənin oğlunu,

Bir böhtan bir təmiz qızı bir günün içində çevirər pozğuna,

Bir damla gözyaşı ilə bir qız bir oğlanı çevirəcək Məcnuna,

Bir sığalla yetimlər daha özlərini hiss etməz tək-tənha,

Bir zarafat, iki soyumuş dost, yenidən olacaq qardaş, doğma,

Bir gülüşlə yoldan keçənlər, bütün küçələri çevirər cənnətə

Gəlin sevgimizi paylaşaq qapı-qapı şəhər-şəhər bu doğma ölkəyə

Gör necə gözəldi dünya,

Amma siz onu etmisiz eybəcər..

Göy üzü, ulduzlar, günəş batsada yerinə ay çıxar gecələr,

Əl-ələ verin, dostlar, axı güc var hələ hər kəsi dəyişməyə..

Hərəyə bir sevgi, bir ürək, bir dünya bəs edər..

Mənə bəs edəcək bir qələm ki, tənhalığımda sevgilim olsun,

Mənə bəs edəcək şahzadə baxışları ki, bu tilsimi qırsın,

Mənə bəs edəcək bir kərpic, dağılmış sarayı yenidən qurmağa,

Mənə bəs edəcək bir kömək əli, dar günümdə ayaq üstünə durmağa,

Mənə bəs edəcək bir dinləyicim, bilsəm ki, ona kömək olmuşam,

Mənə bəs edəcək bir qələm və bir qələmlə neçə düşmən vurmuşam,

Səni ruhdan salmasın dərdlər, bil onlar sadəcə bir ömürlük,

Bir xoşbəxt an sürəcək əbədi, yüz illik də bir günlük..

Gör necə gözəldi dünya,

Amma siz onu etmisiz eybəcər..

Göy üzü, ulduzlar, günəş batsada yerinə ay çıxar gecələr,

Əl-ələ verin, dostlar, axı güc var hələ hər kəsi dəyişməyə..

Hərəyə bir sevgi, bir ürək, bir dünya bəs edər..

Bəzən dünyanı dəyişməkçün bir gülüş də kifayətdir..

Download by Vusal Sv