طول ما الدنيا دي بنا بتلف
إحنا هنفضل كتف في كتف
ده المعووج معدول في وجودنا
وأي تقيل قدامنا يخف
خفاف عالقلب تقال عالارض
اخوات ضهر وعزوه احنا لبعض
مطرح ما بننزل بنسيطر
من دخلتنا الكل اتخض
إحنا اتنين اتنين آه
بس اتنين بمقام ملايين
مكتسحين واكلين الجو
مفيش جامدين تانيين
آه جسمين بس احنا بقلب واحد
يا زميلي عايشين
مش بنخاف ونسد عين الشمس
وقلبنا جبروت
بس نضاف ويا اللي معانا سالكين
وعلى المظبوط
ناكلك حاف لو مره تيجي علينا
تعلي الصوت
الايام بصعوبة بيعدو
عاللي يقضي الرحلة لوحدو
يا بخته اللي فضهرو يلاقي
أخ جدع واقف بيساندو
طول ما فضهرك أخ يسد
عمرك ما هتعطل على حد
هيا الدنيا دي ايه غير اخ
يبقى فضهرك وقت الجد
مهما حكيت عن اخويا
ومهما هقول أنا مش هكفيه
لو لفيت الدنيا دي كلها
بمشي اتشرف بيه
لو حسيت بالضعف في مره
ببص في ضهري ألاقيه
كله في كوم بس انت اخويا
في كوم تاني لوحديك
لو مهموم مش بعرف افضفض
واحكي همومي غير ليك
حتى اليوم ما بيكملش
ولا يعدي يا خويا غير بيك
انا واخويا على الايام
ومانعرفش الاستسلام
مهما الدنيا تعجز فينا
برضو احنا هنفضل قدام
مليون حفره ومليون فخ
والسكه دي محتاجه لأخ
كل واحد محتاج التاني
والعضلات محتاجه لمخ
مهما نشوف في الدنيا دي
عمرنا يوم ما نحس بخوف
لو عالموت ساندين بعضنا
دايما على اي ظروف
شوفنا كتير في الدنيا
ولسه كتير قدام هنشوف
كله يهون طول ما انت فضهري
يا اخويا ما يشغلناش
مهما يكون كتف في كتف
وعن بعض ما نستغناش
واللي يخون عيشنا وملحنا
عالدوغري ما يلزمناش
احنا وصلنا ليفل الوحش
وعملنا اللي ما تعملش
اسمنا بس لوحدو يخوف
اما احنا يا صاحبي ما بنخافش
هيا ما جاتش معانا بالساهل
بس عشان سالكين نستاهل
ربك ما بينساش مخلوق
واحنا وصلنا عشان بنحاول
