قاعد وبحسب السنين
زعلت كام فرحت كام
زعلت من اللي فات يومين
اما الباقي بكا والام
عيوني نامو زعلانين
كذاب لاني مش بنام
من حالي تستغرب
لماذا قلبي نبضو قل
لماذا روحي تنطفي
وهل هموت قريب وهل
الحزن بكره يختفي
انا اللي صبري مني مل
يا ناس لضعف موقفي
وموتي بيقرب
جواب سطوره من الدموع
امانه بس اللي يلقيه
يقراه على ضي الشموع
ويقرا كل اللي فيه
شوفت الجراح بالف نوع
فاختارت موتي روحت ليه
ما الدنيا كرهاني
بعدين يا دنية الضغوط
بعدين يا دنية الفراق
عايزاني اضيع عايزاني اموت
لكن مصر عالبقاء
سكت من السكوت سكوت
وانا وزعلي اصدقاء
ومليش صاحب تاني
تشوفها بس من بعيد
تحسها هاديه وملاك
من جواها شخص مريض
والعيشه جمبها هلاك
معدومه الاحساس اكيد
وقلبها اسود بلاك
طب هبقا ليه عليها
يا قلبي لا محبتكش
دي كانت اسوأ اختيار
بالقرب منها منصحكش
البعد عنها احسن قرار
دي خاينه آه مبتصونكش
بتشك فينا ليل نهار
واحنا خساره فيها
طب هشتريكو بالفلوس
هجيبكو جمبي بالمصالح
مع ان حضنكم ده موس
وحلوكم بدوقو مالح
اخدت من الصحاب دروس
اني لازم اعيشها جارح
الطيبه كات ذمبي
دي مركب الصحاب غريق
وبحر مر موجو عالي
والف سد في الطريق
وميت حاجز سادد مساري
مكنش ليّا انا صديق
فبيعي يبقا ليا شاري
ولا حد كان جمبي
مليش زميل مليش حبيب
يكون معايا وقت محنه
ليه الفراق يكون نصيب
والقرب مش بادينا احنا
طب وقت وجعي مين طبيب
انا نفسي عيشتي تبقا احلى
وحتى لو ثانيه
الدنيا حالفه ليه عليا
تدوس على اللي ببني فيه
واي حلم بين ايديا
يروح وببقا مش لاقيه
اللي بحبو مكنش ليا
ولا انا عمري هبقا ليه
مالك في ايه يا دنيا
