ايام ملل خنقه وزعل
والدنيا بتجرح فيا
قلبي اتقفل لما اتخذل
من أقرب ناس حواليا
بكذب وبقول شده وهتزول
ومسيرها تضحك ليا
بس انا في هموم ودموع علطول
ولا واحد حاسس بيا
كلو كان مظبوط وكويس
قبل لما نعاشرو كويس
الصحاب مبقتش تميز
كلها بوشين
اللي مني عليا منفسن
لو فرحت ألاقيه متعكنن
كلو في الوش بيتمسكن
من ورايا تعابين
عمال بلبس صدمات وهموم
وحاجات ولا في الحسبان
كل اما بفوق برجع مخنوق
وبقيت دايما قلقان
زي اما يكون مدعي عليا
اني افضل علطول زعلان
مبقتش بخير كتر التفكير
خلاني مبقتش بنام
الظروف شدت عليا
بينت نيتكم ليا
انتو كنتو زمان حواليا
من اجل مصالحكو
من الزعل على نفسي بدمّع
احساس انك منسي بيوجع
دا الزمان لو بيا هيرجع
انا عمري ما اختاركو
ربنا يجيبو بالسلامه
اللي ساب في القلب علامه
سيد اكرام الزعامه
بكره يرجع لينا
حقك عليا بجد
مكنتش قاصد اعملك قيمه
بعد اللي عملتو معاكي
دا كلو طلعتي بجد لئيمه
قلبي كسرتيه من اللي عملتيه
مبقاش في حته سليمه
ازاي حبيتك دانتي بجد
الحب معاكي جريمه
الزعل غيَّر ملامحي
والظروف مكانتش في صالحي
كلو بيا خلاص مضحي
ولا حد باقي عليا
هو مين كان خد بيدي
كلو سابني احتاس لوحدي
هي شده مسيرها تعدي
ياللي شمتو فيا
كل اللي كان في قلوبكو بان
أول ما بعدت عنكو
الحمد لله الواحد فرحان
ان انا مبقتش ما بينكو
كنت مفكركو صحاب جدعان
وبقول اني مليش غيركو
مع اول شده لقيتكو اونطه
عرفت خلاص حقيقتكو
اللي شيلتو في وقت ضيقتو
وقت ضيقتي خلع بطريقتو
هو مين احتاجني وسيبتو
كنت صاحب الكل
واما جيت احتاجت ليكو
بانت القسوه اللي فيكو
ياللي عني انتو اتخليتو
بعدي هتشوفو ذل
عينهم مشافتش لكن لسانهم
بيخترع دايما
بيقولو عليا حاجات
أول مره اسمع عنها اصلا
فعلكو كذاب طبعكو غلاب
عمركو ما هتنضفو ابدا
حوارتكو كتير دانتو التحوير
ورثينو اباً عن جداً
لفت الايام ودارت
والصحاب الناقصه غارت
كلها في شدتي طارت
بس مش زعلان
دا اللي غار وفَّر مكانو
يعني مش هزعل عشانو
ايوه عادي عليا هانو
علشان مش جدعان
سيطر عالفن دا نمبر وان
عصام صاصا الكروان
محمود سوستا الحراق
دا كلامو تريند في اي مكان
