នឹកឡើងសែនស្តាយស្នេហ៍ដែលធ្លាប់ស្មោះ

ស្រលាញ់ស្ម័គ្រអស់ពីដួងចិន្តា

មិនដែលមានហ្មងបែកស្រាំប្រេះឆា

ឥឡូវស្រីចារឈ្មោះគេភ្លេចបង

ស្រណោះសំដីស្រីធ្លាប់សាសង

ពីរោះកន្លងក្រោមម្លប់ដួងខែ

ក្លិនផ្កាក្រអូបក្លាយជាមន្តស្នេហ៍

ទុកស្នាមចែកកេរ្តិ៍ឱ្យយើងចងចាំ

អូនបានទួញសោក

ប្រាសប្រាណស្រីបោកមកលើទ្រូងប្តី

អង្វរលន់តួសុំក្តីប្រណី

បើមានទោសអ្វីខន្តីស្រីផង

ពីរឆ្នាំកន្លងនួនល្អងភ្លេចអស់

គ្មានស្តាយស្រណោះហត្ថាធ្លាប់កើយ

ធ្លាប់ស្ទាបអង្អែលកាយស្រីឱ្យស្បើយ

ជូនពៅឆ្លងត្រើយឱ្យឆាប់គេងលក់

«« ភ្លេង »»

អូនបានទួញសោក

ប្រាសប្រាណស្រីបោកមកលើទ្រូងប្តី

អង្វរលន់តួសុំក្តីប្រណី

បើមានទោសអ្វីខន្តីស្រីផង

ពីរឆ្នាំកន្លងនួនល្អងភ្លេចអស់

គ្មានស្តាយស្រណោះហត្ថាធ្លាប់កើយ

ធ្លាប់ស្ទាបអង្អែលកាយស្រីឱ្យស្បើយ

ជូនពៅឆ្លងត្រើយឱ្យឆាប់គេងលក់

Follow me Dara