الأيام بتخبط
والدنيا بتتلخبط
الحب بيتشخبط
وشايله من بالي
قلبي إتدمر منكو
آسف هبعد عنكوا
هكرفكوا وهركنكوا
هعيشها مع حالي
إقتحام وقذيفة جوية
إحذروني هجرح فيكوا شوية
إبن موت ودماغي نووية
فاقد مش باقي عالدنيا
مطروش عايش الحياة مغامرة
لو زعلت هعمل عليكوا نمرة
محطوط في خصومة ومؤامرة
مجنون هشاكلكوا مية مرة
أبطال عالأرض تقال
المساكن أرض الأدغال
أحمد البيضا السندال
إحنا ملوك والكون يعرفنا
شبل جديد بقى موجود
عندنا أحسن مولود
محمد أحمد البيضا
أسد من ضهر أسود
زعلان بس مخبي
جدعنتي كانت ذنبي
أنا مين فيهم جنبي
مش شايف ولا رنة
يتعاركوا وبتورط
بتجاحد بتجبرت
أنا بصرف وبفرط
ومفيش بينا مقارنة
قصف جبهة هتصيع هشلفلك
هات آخرك ونفسي بقى أشوفلك
إندبني إكمني بكرفلك
ناويهالك ده أنا مستحلفلك
عريك مجرم وبتهور
سفاح تغلط هتتعور
عفريت وعنيا بتنور
بتقولوا وقولكوا ده مزور
العشرة بقت تداس
والطيب بقى محتاس
حب ومن غير إحساس
مش حاسس أي شعور
وحداني لكن جبروت
ما بخافش ولو عالموت
أنا بفعل من غير صوت
خلوني فاقد مغرور
إرتباك في الساحة راس حربة
في الهجوم بكسبكوا من ضربة
تتشاقوا هحفرلكم تربة
وفضائي عالأرض أنا في غربة
أنا ليلي ونهاري بصطبح
بالليل بسهر عشان شبح
أنا خصمي أول ما جه إتدبح
تمساح إحذر هتتجرح
أنا سالك بين أندال
كلها عارفاني سندال
بكرف لكلامكوا بدال
ما ازعل منكم أزعلكم
العين بتلاغي العين
إتبعت من البايعين
بتكلم مش سامعين
اللي أنا كنت بأكلهم
أنا قلبي ميت وما بخافشي
وبطولي بعارك ما بشوفشي
أعدائي بيطبلوا في وشي
وأصحابي بتسيبني وتمشي
جارح وبموت في جبروتي
ما أرجعش لو حتى فيها موتي
أنا بسكت وصاحبت سكوتي
أنا غايب ومعدي حدودي
أنا بكتم جوايا
وسيبكوا بهوايا
تاعب نفسي معايا
ما بقتش بدي أمان
ولا فاهم ولا مفهوم
اللي بيعشق موهوم
عايم على بحر هموم
مش طيب زي زمان
أي مزة تعجبني بشقطها
وحياتي لو بايظة بظبطها
يا غزال وشك كورة هشوطها
أشبالي طلع بقى صوتها
هتشوف نفسك تهين نفسك
شاغلك علشان كاتم نفسك
تندبني وأنا برضه مش حاسك
إنت مين أصلا عشان أنافسك
