اول انجاز
ان انا عيطت كتير ومقولتش اه
كان تاني انجاز
قافل على نفسي وكاره اي حياه
تالت إنجاز اني انا موجوع
وبقول انا تمام ومفيش موضوع
مع اني عنيا دي فيها دموع
موتي بتمناه
من جوايا بتمنا الموت
ليه هعيش مدمر مضغوط
الحزن في قلبي ومحطوط
فوق مني جراح بتدمرني
الهم شريحة فودافون
شغاله والخط اهو مشحون
هترنو تلاقو الكولتون
اغنية حزني بتكسرني
دنيتي اوجاع
والظاهر انها كتبالي يا ناس الجرح
وخداني في صراع
وبتنزل تلطيش فيا ومن غير شرح
بكتم جوايا كتير وبشيل
وقعد مع نفسي في اخر الليل
منطوي للعزله تملي بميل
منا مش لاقي فرح
مكتوب في بطاقتي العنوان
تايه مش لاقي اي مكان
انا ساكن جمب الاحزان
في الشارع اللي في وش الفرحه
بس الفرحه مبتقربش
عاملين مع بعض يا ناس تاتش
ازاي في الدنيا دي متعبش
واواجه اي سنين جارحه
ليه احب في ناس
اصلا مش حبين ليا نهائي الخير
مع اني ملاك
خلوني في عين الناس كلها شرير
كنت معاهم مخلص وبصون
ضربوني بالف سلاح مسنون
ازاي العيش والملح يهون
انا شوفت كتير
كل الدرامات انا عيشتها
مع ناس انا كنت بحبها
قصه بتفاصيلها واسمها
قصه سالك مع ناس خاينه
الدرس فهمتو وهحفظو
خليكو من ورا ضهري اغمزو
تطبيق الدرس هنفذو
مش عايز اعيش معاكم ثانيه
تغيير ملحوظ
اتحولت بقيت جدا شخص عنيد
طول عمري بفوز
بدموع وجراح والام وبحزن جديد
ببعد اكتر منا كنت بعيد
تفكيري السلبي معايا بيزيد
من كتر ما بقعد ايوه وحيد
هتشوفني مريض
ايوه مريض عادي ومش عيب
منا موجوع منك يا نصيب
واخد صدماتي بالترتيب
كل شويه فصدمه جديده
مصدوم من ظلم الايام
شوفت كتير والله حرام
وبطبق مش بعرف انام
فاختارت اروح حته بعيده
اسوأ احساس
لما انت ضيع من طاقتك مجهود
مع شخص خلاص
بارد حبك جواه اتحول لبرود
اختار غيرك سابك غرقان
في دموع وفي بحر من الاحزان
تتعلق بيه ويسيبك
ويبقى مش موجود
البعد ده خير انا قولتلك
على ايه كنت انا مستحملك
اتفضلي يلا هوصلك
علشان تطلعي بره حياتي
ويا قلبي ازاي اختارتها
ده مافيش ولا ميزه انا شوفتها
بس الموضوع بنا انتهى
حطها بقا في دولاب الماضي
