من غير اعذار
من غير كلمة معلش انا اخدت البعد قرار
هزرتو معايا بس الجد بيجي في هزار
في مقارنه اتحطيته مع كرامتي ولازم اختار
يا الف حسره على عمر ضاع عالفاضي
حاسس بكسره بس انا والله راضي
انا كل مره بعمل تمام عالعادي
بس الوضع ابتلا في المره دي
انا مش هعدي وأرد كلمه بكلمه
عامل اني مرضي وبقالي ياما في الظلمه
انا الضحيه اللي اتحرم من اللمه
شفت الخيانه من صحبه ولا تتسمى
انا اولى بنفسي
وخساره في ايها حد يحاول يهز اسمي
علشان مين اتعب وازعل
واقفل واجي على نفسي
البُعد قرار احسن اختيار ليه اوجع قلبي
الحوجه مره بس الحياه اتكعبلت
اخواتي جوه وهيحسبولي الغلط
حتى ديوني فوق بعضيها اتكومت
ما بقيتش فاهم الدنيا ليه اتقفلت
افتكروا خيري ايام ما كنت معايا
نمتو في سريري بس انتوا قلتوا ورايا
يا عالخيانه بتعملولي حكايه
انا اه لوحدي بس ربنا معايا
آيوه يا جدعان
احساس ان انا وحداني معايا في كل مكان
نفسي ارتاح يوم ما كفايه همومي ملت الخزان
انا ضايع مش بقى على نفسي وماليش عنوان
آيوه عليكم ياللي الفلوس اولالكم
علشان كشات ممكن تبيعوا عيالكم
انتوا الفلوس مهمه بالنسبه لكم
امشوا وسيبوني وارجعوا لما افضالكم
ناكرين جميلي مع اني خيري غرقكم
علشان تعيشوا اتنازلتوا عن مبادئكم
يا كذابين انا عمري ما هصدقكم
حواراتكم كذب جايه من وحي خيالكو
وهصاحب مين
نص اصحابي خانوا والنص الثاني بقوا مختفين
بسأل باستمرار عنهم بيقولوا مش باينين
وسمعت انهم عاملين صفقه وبها خالعين
يا عين يا ليلي انا نفسي دمعي يجف
انا جيبت آخري من الدنيا واخد كاف
تعبان بموت وبجد محتاج أخف
وما فيش زمايلي كلها عايزه تحف
حابيني ببكي كارهين يشوفوا ضحكتي
ازاي يا صاحبي ونست على وقعتي
كده احلى غدر بس انتظر رجعتي
معرفش اعيش مكسور عيني في دنيتي
منين المظلوم
انا ولا زميلي اللي رماني جوه بحر هموم
أنا سهران عمال افكر وهو شبعان نوم
جاوبوني بسرعه انا نفسي افهم وارتاح لو يوم
