ഒരു രാത്രി കൂടി വിടവാങ്ങവേ
ഒരു പാട്ട് മൂളി വെയിൽ വീഴവെ
പതിയെ പറന്നെന്നരികിൽ വരും
അഴകിൻ്റെ തൂവലാണു നീ
ഒരു രാത്രി കൂടി വിടവാങ്ങവേ
ഒരു പാട്ട് മൂളി വെയിൽ വീഴവെ
പതിയെ പറന്നെന്നരികിൽ വരും
അഴകിൻ്റെ തൂവലാണു നീ
പലനാളലഞ്ഞ മരുയാത്രയിൽ
ഹൃദയം തിരഞ്ഞ പ്രിയ സ്വപ്നമേ
മിഴികൾക്ക് മുൻപിൽ ഇതളാർന്നു നീ
വിരിയാനൊരുങ്ങി നിൽക്കയോ
വിരിയാനൊരുങ്ങി നിൽക്കയോ
പുലരാൻ തുടങ്ങുമൊരു രാത്രിയിൽ
തനിയെ കിടന്നു മിഴിവാർക്കവേ
ഒരു നേർത്ത തെന്നലലിവോടെ വന്നു
നെറുകിൽ തലോടി മാഞ്ഞുവോ
നെറുകിൽ തലോടി മാഞ്ഞുവോ
ഒരു രാത്രി കൂടി വിടവാങ്ങവേ
ഒരു പാട്ട് മൂളി വെയിൽ വീഴവെ
മലർമഞ്ഞു വീണ വനവീധിയിൽ
ഇടയൻ്റെ പാട്ടു കാതോർക്കവേ
ഒരു പാഴ്കിനാവിലുരുകുന്നോരെൻ
മനസ്സിൻ്റെ പാട്ടു കേട്ടുവോ ..
മനസ്സിൻ്റെ പാട്ടു കേട്ടുവോ ..
നിഴൽ വീഴുമെൻ്റെ ഇടനാഴിയിൽ
കനിവോടെ പൂത്ത മണിദീപമേ ..
ഒരു കുഞ്ഞുകാറ്റിൽ അണയാതെ നിൻ
തിരിനാളമെന്നും കാത്തിടാം..
തിരിനാളമെന്നും കാത്തിടാം..
ഒരു രാത്രി കൂടി വിടവാങ്ങവേ
ഒരു പാട്ട് മൂളി വെയിൽ വീഴവെ
പതിയെ പറന്നെന്നരികിൽ വരും
അഴകിൻ്റെ തൂവലാണു നീ
